Fiorentina ka shënuar fitore ndaj Juventusit me rezultat 2-0 në ndeshjen e fundit të Serie A.
Vendasit ishin më kërkues, pasi një fitore do t’i dërgonte në Ligën e Konferencës dhe këtë ia arritën, ndërsa Juventusi e kishte siguruar një vend në Ligën e Kampionëve.
Goli i erdhi në fundin e pjesës së parë kur Alfred Duncan shënoi për 1-0.
Fiorentina 1-0 Juventus
Goal Alfred Duncan 🔥🔥 pic.twitter.com/WTTXgPz2ls
— cuplikan goals (@stapfutbolgoal) May 21, 2022
Sa i përket pjesë së dytë nuk ishte edhe aq e mirë, pasi rastet ishin të pakta.
Vlen të përmendet rasti i Krzysztof Piatek në minutën e 78-të, por që portieri Carlo Pinsoglio ishte në vend.
Pak pa u mbyll ndeshja Fiorentina fitoi penallti dhe nga pika e bardhë ishte i saktë Nicolas Gonzalez për 2-0.
Juventusi e mbyll kampionatin me 70 pikë në vendin e katërt, ndërsa Fiorentina me 62 pikë është e shtata.
