Liga e Konferencës është gara e tretë evropiane për klube, ku këtë vit është edicioni i parë që po zhvillohet.
Deri në këtë rang garash teknologjia VAR nuk është përdorur në këtë garë, por nga gjysmëfinalja do të futet në përdorim.
Edhe pse UEFA e kishte paraparë që VAR të përdorët vetëm në finale, tani kanë ndërruar mendje dhe sistemi VAR do të përdoret nga ndeshjet gjysmëfinale.
Në dy sfidat gjysmëfinale takohen Leicester City – Roma dhe Olympique Marseille – Feyenoord Roterdam.
Kujtojmë që finalja e madhe e Ligës së Konferencës do të zhvillohet në stadiumin ‘Air Albania’ në Tiranë.