Empoli ka njoftuar se Samir Ujakin ka rinovuar kontratën.
Portieri i Përfaqësues së Kosovës ka arritur marrëveshje të re me klubin italian që e mbanë atë deri në vitin 2023.
“Portieri kosovar i lindur në vitin 1988, ka nënshkruar kontratë deri më 30 qershor të vitit 2023 dhe do të mbajë numrin 22 në fanellë”, thuhet në njoftimin e Empolit.
Gardiani ynë në moshën gjashtë vjeçare u largua nga Kosova për në Belgjikë, ku e nisi karrierën.
Në verën e vitit 2007 ai u transferua në Palermo ku bëri debutimin e tij në Serie A në vitin 2009.
Më pas ai bëri karrierë edhe në klube si Novara, Chievo, Latina, Pisa, Cremonese, Çaykur Rizespor dhe Torino.
Ai bëri debutimin e tij në kombëtaren shqiptare U21 më 1 qershor 2007 kundër Italisë.
Pasi u pranua Kosova ai kaloi te ekipi kombëtar i vendlindjes, ku deri më sot ai ka grumbulluar 28 paraqitje.
