Mesfushori Tanguy Ndombele ka përfunduar zyrtarisht transferimin e tij nga Tottenham te Napoli, duke iu bashkuar skuadrës italiane si huazimi me opsion blerjeje.
Napoli kanë qenë në bisedime me Tottenham gjatë javëve të fundit duke u përpjekur të arrijnë një marrëveshje për mesfushorin 25-vjeçar francez.
Ndombele po kërkon të rifillojë karrierën e tij pas një sezoni të vështirë në Londrën Veriore me Tottenhamin, ku ai kurrë nuk e tregoi vlerën e tij prej 60 milionë eurosh.
Ndombele ka nënshkruar për Napolin në një marrëveshje huazimi gjatë sezonit me një opsion blerjeje të bashkangjitur, që raportohet të jetë rreth 32.5 milionë euro.
Vetë huazimi ka kushtuar rreth 500 mijë euro.
Francezi nuk arriti ta bindë trajnerin Antonio Conte sezonin e kaluar dhe kështu u kthye në Lyon në formë huazimi në afatin kalimtar të janarit.
