Mario Gotze i është bashkuar Eintracht Frankfurtit nga PSV Eindhoveni në një marrëveshje afatgjate.
Klubi gjerman i ka siguruar shërbimet e anësorit duke aktivizuar klauzolën në vlerë prej katër milionë eurosh, kanë konfirmuar klubet.
Te skuadra nga Bundelsiga, ai ka nënshkruar kontratë trevjeçare, e cila do ta mbajë te Eintrachti deri në qershor të vitit 2025.
Gjatë karrierës së tij, 30-vjeçari ka luajtur edhe për klube si Borussia Dortmundi dhe Bayern Munichu, ndërsa me Gjermaninë u shpall kampion bote në vitin 2014.
Me Eintracht Frankfurtin, Gotze do ta ketë mundësinë të luajë në Ligën e Kampionëve, pasi ekipi gjerman e ka siguruar një vend në fazën e grupeve duke qenë fitues i Ligës së Evropës.