Fabio Vieira është zyrtarizuar si futbollist i Arsenalit nga Porto për 35 milionë euro plus pesë milionë të tjera në formë shtesash.
Mesfushori i kishte kryer ekzaminimet mjekësore të premten, ndërsa gjatë ditës së sotme (e martë) është konfirmuar si lojtar i Topçinjve.
Në faqen zyrtare të Arsenalit në Twitter është publikuar një video, përmes të cilës i ofrohet mirëseardhje futbollistit të ri.
“Jam shumë i gëzuar që kemi gjetur dhe kemi transferuar një talent aq të veçantë. Fabio është një lojtar shumë kreativ që do t’i sjellë shumë cilësi lojës tonë sulmuese”, ka thënë trajneri Mikel Arteta lidhur me transferimin e portugezit.
22-vjeçari rrjedh nga Akademia e Portos, ndërsa për ekipin e parë filloi të luante në vitin 2020.
