Real Madridi është rikthyer te fitoret në La Liga, teksa ka mposhtur Levanten me rezultat të thellë 6-0.
Kampionët e ri të La Ligas kanë triumfuar pa shumë mund ndaj ekipit të fundit në tabelë, që tanimë vetëm janë përshëndetur me elitën e futbollit spanjoll pas kësaj disfate.
Vetëm pas 13 minutave lojë, Ferland Mendy u asistua mirë nga Luka Modric dhe realizoi për 1-0.
Gjashtë minuta më vonë Los Blancos ngritën epërsinë në 2-0, kur realizoi kapiteni Karim Benzema pas asistimit nga Vinicius Junior.
Ishte minuta e 34-të, kur Rodrygo shënoi për 3-0, derisa në minutën e fundit të pjesës së parë Vinicius Junior realizoi për 4-0.
Vinicius Junior në minutën e 68-të realizoi gol të bukur për 5-0.
Ndërkohë shtatë minuta para fundit të ndeshjes, sulmuesi brazilian Vinicius Junior shënoi një tjetër gol për ta kompletuar het-trickun në këtë sfidë.
Kësisoj Reali shkon në kuotën e 84 pikëve në pozitën e parë, derisa Levante mbetet e fundit me 29 sosh.