Një tifoz i ri i Toulouse ka bërë një foto në stadiumin e klubit i veshur me një fanellë dhe ka bërë shaka se kishte nënshkruar kontratë, ndërsa mediat në Francë e raportuan këtë si lajm edhe pse i riu Rafael Fernandes nuk është aspak futbollist.
Rafael Fernandes përjetoi “pesë minutat” e tij të famës. Bëhet fjalë për një tifoz të Toulouses, i cili ka pasur nderin të bëjë një foto me fanellën e klubi në stadium, ku pas kësaj ka shkaktuar konfuzion të vërtetë.
Ai ka bërë shaka me miqtë e tij në rrjetet sociale se kishte nënshkruar për Toulouse, ku pastaj u krijua një situatë e çuditshme.
Kjo pasi në kategoritë e të rinjve të Paris Saint Germain është një futbollisti me të njëjtin emër, Rafael Fernandes.
Mediat në Francë “ranë” në grackë, pas së cilës publikuan informacionin se Fernandes ishte transferuar nga PSG në Toulouse.
Kështu, lojtari i PSG-së u konsiderua si lojtar i Toulouse për pesë orë, ndonëse nuk u transferua asnjëherë në këtë klub.
Gjithçka ishte ‘e kryer’ derisa gazetari i L’Equipe, Loic Tanzi, ekspozoi këtë histori të çuditshme.
Por të nesërmen në rrjetet sociale qarkulluan foto dhe në faqe të shumta në Twitter u publikuan informacione për “transferimin”.
Shpjegimi i situatës ka mbledhur mbi 17 mijë pëlqime.