Raheem Sterling do ta shtyjë vendimin për të ardhmen e tij deri në fund të sezonit – bën të ditur The Mirror.
Anësori i Manchester Cityt është lidhur me klube të ndryshme në muajt e fundit, mirëpo nuk dëshiron të ngutet për të marrë vendim.
Futbollisti anglez ka kontratë me Citizens deri në vitin 2023 dhe tashmë janë planifikuar bisedimet për rinovimin e tij.
Në anën tjetër, Milani është klubi i interesuar që ta ketë në skuadër 27-vjeçarin, ndërkohë që po spekulohet për blerjen potenciale të Rossonerëve nga një fond investues nga Bahrejni.
Sidoqoftë, Sterling është i përqendruar që ta mbyllë sa më mirë sezonin me Cityn që është në garë për titullin e Ligës Premier dhe atë të Ligës së Kampionëve.
