Liverpooli dhe Manchester United do të takohen sonte në Anfield Road në ndeshjen e mbetur të xhiros së 30-të të Ligën Premier.
Tifozët e Liverpoolit planifikojnë të bëjnë diçka të bukur dhe do të tregojë se disa gjëra janë më të mëdha se futbolli dhe rivaliteti më i madh në Angli.
Pasi Cristiano Ronaldos njoftoi mbrëmë se djali i tij i porsalindur kishte ndërruar jetë, tifozët e Liverpool planifikojnë ta mbështesin atë në këto momente të vështira.
Ata vendosën që në minutën e 7-të, sipas numrit të Ronaldos në fanellë, të fillonin të duartrokisnin portugezin.
Gjithashtu u ra dakord që duartrokitjet të zgjasin një minutë.
“Ne të gjithë duhet të duartrokasim Ronaldon sonte në minutën e shtatë, le ta dinë të gjithë planin. Tragjedia nuk ka ngjyrë,” shkroi një tifoz i Liverpool në Twitter.
Ndeshja Liverpool – Manchester United fillon në orën 21:00.
