Roma ka barazuar 1-1 në udhëtim te Udinese në kuadër të javës së 29-të në Serie A.
Pas vetëm 15 minutash lojë, Nahuel Molina shënoi golin e epërsisë, duke e bërë sfidën edhe më të hapur.
Udinese vazhdoi me presion të lartë ndaj mysafirëve, derisa rrezikoi me anë të Jean-Victor Makengo (38’), por që goditja ishte e pasaktë.
45 minutat e dytë ishin edhe më të dobët nga Roma, me vendasin që kishin raste më serioze.
Makengo sërish rrezikoi portën e Romës në minutën e 55-tëe, por që sërish topi përfundoi jashtë.
Dy rastet e para të Giallorosëve erdhën në minutën e 75-të dhe 77-të, me Stephan El Shaarawy dhe Lorenzo Pellegrini që nuk goditën saktë.
Por, mysafirët fituan një penallti në minutën e 90+4, të cilën në gol e konvertoi Pellegrini për rezultatin final 1-1.
Pas javës së 29-të, Roma është në vendin e gjashtë me 48 pikë, derisa në xhiron e 30-të takohet me rivalin lokal, Lazion.
