Ousmane Dembele është bërë asistuesi më i mirë në La Liga, pasi anësori i Barcelonës ka kaluar Karim Benzeman e Real Madridit, me të cilin ishte i barabartë deri në ndeshjen e fundit.
Lojtari i Real Madridit ka 11 asistime, ndërsa lojtari i Barcelonës tani ka 13. Jordi Alba është në vendin e tretë me 10.
Duhet të theksohet gjithashtu se Dembele ka luajtur 10 ndeshje më pak se Benzema këtë sezon në La Liga.
Ylli i Barcelonës humbi 13 ndeshjet e para të La Liga-s për shkak të një dëmtimi në kofshë dhe, në janar, ishte jashtë shkak të refuzimit të tij për të rinovuar kontratën me klubin.
Xavi ka nxjerrë versionin më të mirë të francezit, pasi çdo asistim i tij është bërë me trajnerin katalanas në bankinën e Barcelonës.
Dembele hapi serinë e asistimeve kundër Elches. Ai gjithashtu dha një kundër Sevillas në të dyja ndeshjet, si dhe Valencia dhe Levante. Ai u përfshi edhe kundër Athletic Bilbao, Real Madrid, Osasuna dhe Celta (dy).
Paraqitjet e mira të Dembele nën drejtimin e Xavit e çuan klubin që të rifillojë negociatat për kontratën me francezin një muaj më parë. E ardhmja e tij mbetet një pikëpyetje.
