Raportet sot (e premte) sugjerojnë se kompania Redbird është afër marrëveshjes për një blerje prej 1.3 miliardë eurosh të Milanit, duke mposhtur favoritët e mëparshëm Investcorp.
Fondi i investimeve të Bahrejnit ka qenë i etur për të blerë kuqezinjtë për disa javë dhe kanë qenë në bisedime të ngushta me pronarët e Elliott Management.
Sipas Il Sole 24 Ore, Redbird ka bërë një hap më afër blerjes së Milanit dhe ata janë afër arritjes së një marrëveshjeje mbi bazën e 1.3 miliardë eurove, e cila mund të rritet ngadalë në 1.8 miliardë euro gjatë viteve të ardhshme.
Elliott pritet të mbetet si investitor në klub, duke mbajtur ende disa aksione, dhe gjërat mund të përfundojnë së shpejti.
Redbird është një firmë investimi me bazë në SHBA, në pronësi të Gerry Cardinale, dhe ata kanë aksione prej 750 milionë dollarësh në Fenëay Sports Group, kompania që zotëron Liverpoolin.
