Renato Sanches do të largohet këtë verë nga skuadra e tij aktuale Lille.
Mesfushori portugez ka pasur formë fantastike në dy sezonet e fundit dhe është gati për ta bërë hapin e madh në karrierë.
Milan dhe PSG janë skuadrat që po kërkojnë shërbimet e tij, por problemi qëndron tek kërkesat e Lille, që janë 30 milionë euro.
Gazetari i 10Sport, Alexis Bernard ka raportuar se PSG ka bërë një ofertë fillestare në drejtim të Lille prej 10 milionë euro për Sanchesin.
Mirëpo kjo ofertë është refuzuar nga Lille, pasi synojnë që të fitojnë shumë më shumë nga shitja e yllit të mesfushës.
Gjithsesi vet futbollisti i ka thënë ‘PO’ transferimit në Parc de Princes dhe ka një marrëveshje paraprake me parisienët.
Tani mbetet të shihet nëse dy klubet do të gjejnë gjuhë të përbashkët për çmimin e transferimit të Sanches tek kampioni francez.
