Federata Gjermane e Futbollit njoftoi këtë të mërkurë se portieri Manuel Neuer dhe mesfushori Leon Goretzka, janë larguar nga grumbullimi i ekipit pasi rezultuan pozitivë me Covid-19 dhe u izoluan menjëherë.
Ata nuk do të luajnë në Ligën e Kombeve të premten kundër Hungarisë në “Red Bull Arena” në Leipzig dhe të hënën në “Wembley” kundër Anglisë.
Largimi i Neuer nga grumbullimi i lë vendin e startuesit portierit të Barcelonës, Marc ter Stegen, i cili ishte në stol për shumë vite.
Manuel Neuer and Leon Goretzka have tested positive for Covid-19 ahead of upcoming Nations League matches against Hungary and England. pic.twitter.com/EOj0dn7VPw
— Sky Sports News (@SkySportsNews) September 21, 2022
Kevin Trapp tani duhet të presë në stol për të pasur një mundësi në njërën na ndeshjet.
Hansi Flick ka ftuar tashmë Oliver Baumannin, portierin 32-vjeçar të Hoffenheim, për të plotësuar listën e portierëve.
Ndërsa për të zëvendësuar mungesën e Goretzkas, u ftua Maximilian Arnold i Wolfsburg.
