Robert Lewandowskin u largua drejt Barcelonës, ndërsa Bayern Munich po punon për të gjetur një tjetër sulmues që mund të zëvendësoj polakun.
Në fakt, bavarezët kanë firmosur me Sadio Mane dhe kanë rinovuar me Serge Gnabryn, megjithatë, një lojtar me më tepër nuhatje në zonë do t’i bënte shumë punë trajnerit Julian Nagelsmann.
Emri që është përfolur më së shumti është ai i Cristiano Ronaldos, duke qenë se portugezi duket i vendosur për t’u larguar nga Manchester United, pasi dëshira e tij është të luajë në Ligën e Kampionëve.
Por te bavarezët të gjithë njëzëri, i kanë mohuar zërat se portugezi është objektiv i tyre, i fundi trajneri Julian Nagelsmann.
“I kam dëgjuar të gjitha thashethemet që lidhin Cristiano Ronaldon me Bayern Munich, por mund t’iu siguroj se nuk ka asgjë të vërtetë”, ka thënë Nagelsmann.
Paradite për Ronaldon kanë folur edhe CEO i klubit, Oliver Kahn si dhe drejtori sportiv, Hasan Salihamidzic, duke e mohuar transferimin e tij.
