Il Corriere dello Sport ka bërë të ditur se si Simone Inzaghi i motivoi lojtarët e tij para Derby della Madonnina të të martës kundër Milanit.
Nerazzurrët u kualifikuan në finale të Kupës së Italisë duke e eliminuar rivalin lokal, ndërsa pas Superkupës së fituar në janar (ndaj Juventusit) janë në garë edhe për Serie A dhe Coppa Italia.
Në tri ndeshjet e mëparshme ndaj Milanit (në kampionat dhe kupë) këtë sezon, Interi kishte regjistruar dy humbje dhe një barazim, ndërsa të martën mbrëma regjistroi fitoren e parë.
Sipas Il Corriere dello Sport, trajneri ishte kujdesur për motivimin e të zgjedhurve të tij duke ua kujtuar se nuk e kishin dituar asnjërin nga derbit këtë edicion duke u thënë: “Ky është momenti i duhur”.
Futbollistet e tij i dëgjuan këshillat e Inzaghit dhe regjistruan fitore prej 3-0 ndaj Rossonerëve duke u kualifikuar në finale ku do të përballen me Juventusin.
Ndërkohë, raportohet se klubi do t’i ofrojë kontratë të re trajnerit për t’ia rinovuar aktualen (që është valide deri në qershor 2023)
