Milani ka arritur të gjej mbrojtësin e shumë kërkuar gjatë verës.
Rossonerët kanë mbyllur marrëveshjen me Schalke 04 për mbrojtësin e talentuar Malick Thiaw.
Qendërmbrojtësi gjerman prej dy vitesh luan me ekipin e parë të Schalke 04 dhe ka pasur paraqitje shumë të mira.
Në orët e vona të së shtunës, drejtuesit e dy klubeve kanë arritur marrëveshje për transferimin e Thiaw në San Siro.
21-vjeçari pritet të zbarkojë sot në Milano për të kryer vizitat mjekësore dhe për të nënshkruar kontratën me Rossonerët.
Kampioni në fuqi i Italisë do të paguaj gjashtë milionë euro te Schalke për nënshkrimin me qendërmbrojtësin gjerman.
Thiaw është një reprezentues i rregullt i Gjermanisë U21, derisa interesim për të kishin shprehur edhe RB Leipzig dhe Arsenal.
