PSG është ende në transformim të plotë, pasi klubi francez ka arritur të mbajë yllin e madh të saj Kylian Mbappen, ndërsa mund të ketë edhe largimi, ku emri më i përfolur është ai i Neymar.
Braziliani është emri i madh i këtij afati kalimtar me klubin që dëshiron që ai të largohet, por është e komplikuar. Paga e tij për momentin është 30 milionë euro, diçka vështirë e përballueshme për një klub tjetër të madh.
Në këtë skenar shfaqet emri i sulmuesit të Villarrealit, Arnaut Danjuma. Holandezi është në listën e kandidatëve kryesorë për të ardhur te klubi parisien nëse ata arrijnë ta largojnë Neymarin.
Danjuma ka pasur një sezon të jashtëzakonshëm, veçanërisht në Ligën e Kampionëve, me skuadrën e Unai Emery.
Ai mbërriti në klub për pak më shumë se 20 milionë euro dhe çmimi i tij është rritur shumë.
Sipas MARCA, klauzola e lojtarit është 50 milionë euro, një shumë që PSG mund ta përballojë shumë lehtë, por ka konkurrencë edhe nga disa klube të Ligës Premier.
