Manchester City ka arritur të rikthehet te fitorja në Ligën Premier, pasi ka mposhtur Crystal Palace në Etihad Stadium.
Kampioni në fuqi i Anglisë fitoi me rikthim spektakolar 4-2, pasi pas pjesës së parë e panë vetën në disavantazh 0-2.
John Stones realizoi autogol në minutën e katërt për epërsinë e hershme të mysafirëve, derisa mbrojtësi Andersen realizoi për golin e dytë të ekipit mysafir.
Pjesa e parë përfundoi me epërsinë e mysafirëve 0-2, derisa në të dytën City tregoi një fytyrë krejt tjetër nga 45 minutat e para.
Bernardo Silva ngushtoi epërsinë në 1-2 në minutën e 53-të pas asistimit nga Rodri.
E pasi kaluan një orë lojë, filloi shfaqja fantastike e Erling Haaland, me sulmuesin norvegjez që realizoi het-trik brenda 19 minutave lojë.
Fillimisht Haaland barazoi rezultatin në 2-2 në minutën e 62-të.
Për golin e epërsisë norvegjezi u përkujdes në minutën e 70-të pas asistimit nga Stones.
Ndërkohë Haaland kompletoi het-trikun e tij të parë në Ligën Premier në minutën e 81-të kur u shërbye mirë nga Ilkay Gundogan.
Deri në fund të ndeshjes City pati edhe disa raste të tjera shënimi, por rezultati mbeti 4-2 dhe gola të tjerë më nuk pati.
Me këtë fitore skuadra e Pep Guardiolës mbetet në pozitën e parë me 10 pikë pas katër xhiroeve, derisa Crystal Palace zë vendin e 10-të me katër pikë.
🗣️𝐆⚽𝐋 𝐃𝐄 𝐌𝐀𝐍𝐂𝐇𝐄𝐒𝐓𝐄𝐑 𝐂𝐈𝐓𝐘‼️
👤 Bernardo Silva ⏱️53'
Man. City 1️⃣🆚2️⃣ Crystal Palace#PremierLeague 🏴 🏆pic.twitter.com/vBRqDOO2NE— El Forastero (@ElForadeportivo) August 27, 2022
🗣️𝐆⚽𝐋 𝐃𝐄 𝐌𝐀𝐍𝐂𝐇𝐄𝐒𝐓𝐄𝐑 𝐂𝐈𝐓𝐘‼️
👤 Haaland (2) ⏱️70'
Man. City 3️⃣🆚2️⃣ Crystal Palace#PremierLeague 🏴 🏆pic.twitter.com/xMGTm69APe— El Forastero (@ElForadeportivo) August 27, 2022
🗣️𝐆⚽𝐋 𝐃𝐄 𝐌𝐀𝐍𝐂𝐇𝐄𝐒𝐓𝐄𝐑 𝐂𝐈𝐓𝐘‼️
👤 Haaland (3) ⏱️81'
Man. City 4️⃣🆚2️⃣ Crystal Palace#PremierLeague 🏴 🏆pic.twitter.com/B7k7adkTCA— El Forastero (@ElForadeportivo) August 27, 2022
