Manchester United ka siguruar transferimin e mbrojtësit të majtë holandez, Tyrell Malacia.
Anësori holandez ka pasur një vit fantastik me Feyenoordin duke shkuar deri në finalen e Ligës së Konferencës.
22-vjeçari kishte arritur ditë më parë marrëveshje me Lyonin, por në momentin e fundit ka ndërruar mendje dhe do të transferohet te Manchester United.
Gjiganti anglez ka gjetur marrëveshjen me Feyenoordin për transfeirmin e Malacias në Old Traford për 15 milionë euro plus dy milionë të tjera bonuse.
Vendimtar për vendimin e Malacias ka qenë trajneri Erik Ten Hag i cili i ka bërë të qartë bashkëkombësit të tij se do të jetë zgjedhja e parë në krahun e majtë të mbrojtjes.
Reprezentuesi holandez pritet të kompletojë transferimin te Djajtë e Kuq gjatë ditëve të ardhshme, pasi tanimë United ka marrëveshje si me lojtarin ashtu edhe me klubin e Feyenoordit.
