Romelu Lukaku ka këmbëngulur se atij nuk i intereson që të kryesojë listën e golashënuesve në Serie A “sepse te Interi dhe luajmë për trofe, e jo për objektiva individuale”.
Qendërsulmuesi u kthye në San Siro këtë verë pas vetëm një viti në Chelsea, si huazim për 10 milionë euro dhe me një pjesë të madhe të pagës së tij të mbuluar nga Blutë.
Ai tashmë ka deklaruar disa herë se atmosfera në Inter është shumë e ndryshme nga Chelsea, pasi aty ndihet si pjesë e një familjeje dhe lojtarët mbështesin njëri-tjetrin në periudha të vështira.
“Nuk më intereson kjo, do të jem plotësisht i sinqertë. Po mendoj vetëm për Scudetton, kjo është gjëja më e rëndësishme”.
“Golat mund të arrihen, por ne jemi Interi dhe luajmë për Scudetton, jo për objektiva individuale”, ka thënë Lukaku për DAZN.
