Robert Lewandowski u ka kërkuar falje edhe një herë të gjithë tifozëve të Bayern Munich për largimin nga klubi, duke shtuar se tani ndihet si një fëmijë me një lodër të re pas kalimit te Barcelona.
Lewandowski dëshironte me gjithë zemër të largohej nga Bayern Munich dhe të vazhdonte karrierën në Barcelonë, por fillimisht klubi ia mbylli dhe pastaj kërkoi 50 milionë euro nga klubi spanjoll.
Në fund drejtuesit e skuadrës nga Nou Camp paguan shumën e kërkuar dhe siguruan firmën e polakut.
“E di që largimi im ka prekur shumë fansa, këtë mund ta kuptoj dhe për këtë dua të kërkoj falje edhe një herë. Ishte e rëndësishme dhe e nevojshme për mua të kuptoja se jam gati për një ndryshim”.
“Në fund të fundit, të gjithë jemi njerëz. Pas 12 vitesh në Gjermani u bë e qartë për se koha ime kishte mbaruar. Situata ishte e vështirë për të gjithë dhe ne duhej të gjenim opsionin më të mirë”, ka thënë Lewandowski për Marca.
This 😍 pic.twitter.com/10F735awDF
— FC Barcelona (@FCBarcelona) August 9, 2022
Pas kësaj, ai thotë se kishte shumë nevojë për një ndryshim dhe po ndjehet shumë mirë.
“Kisha nevojë për një ndryshim, më duhej një udhëtim në një vend tjetër dhe një klub tjetër. Tani ndihem si një fëmijë me një lodër të re”, deklaroi Lewandowski.
Lewandowski shënoi 344 gola në 375 ndeshje gjatë tetë sezoneve te Bayern Munich.
