Marash Kumbulla pritet të largohet nga Roma pas dy viteve qëndrim në Olimpico.
Qendërmbrojtësi shqiptar nuk ka pasur hapësirat e duhura nën urdhrat e trajnerit Jose Mourinho dhe largimi i tij nga Roma është mëse i sigurt.
Megjithatë e ardhmja e tij duket se do të jetë përsëri në Serie A, ku Torino ka shprehur interesim dhe po e kërkon me këmbëngulje.
Trajneri kroat i Torinos, Ivan Juric dëshiron të ribashkohet me Kumbullën ku dyshja kishin punuar së bashku edhe te Hellas Verona.
22-vjeçari e mirëpret një transferim te Torino ku do të luante rregullisht pasi trajneri Juric i beson jashtëzakonisht shumë atij.
Megjithatë Torino po kërkon huazimin e tij me obligim blerje për 20 milionë euro.
Nga ana tjetër Roma duket se është gati ta largojë shqiptarin, pasi synon ta zëvendësojë atë me mbrojtësin e Frankfurt, Evan Ndicka.
