Mbrojtësi i Napolit, Kalidou Koulibaly, i ka kaluar ekzaminimet mjekësore te Chelsea dhe pritet të udhëtojë drejt Amerikës për t’iu bashkuar ekipit të ri.
31-vjeçar ka shkuar në Londër të mërkurën mbrëma me aeroplan privat nga Milano, pasi nuk i ishte bashkuar skuadrës së Partenopei në kampin stërvitor Dimaro.
Senegalezi iu është nënshtruar testeve mjekësore gjatë ditës së sotme (e enjte), ndërsa eksperti i transferimeve te Sportitalia, Alfredo Pedulla, njofton se gjithçka ka kaluar me sukses.
Hapi i radhës është xhirimi i videos, përmes të cilës Chelsea do ta konfirmojë futbollistin e ri. Më pas ai do të niset drejt Shteteve të Bashkuara mëngjesin e të premtes.
Napoli ka arritur marrëveshje që ta shesë Koulibalyn te Chelsea për 38 milionë euro plus dy milionë euro në formë bonusesh. Futbollisti do të nënshkruajë kontratë pesëvjeçare, nga e vila do të përfitojë rreth 10 milionë euro në sezon.
Kalidou Koulibaly has arrived in London to have a medical to complete his move from Napoli to Chelsea. 🔵 pic.twitter.com/0MlYjvDMKV
— Football Daily (@footballdaily) July 14, 2022
