Kosova U21 ka luajtur në “Fadil Vokrri” ndaj Anglisë U21 për kualifikimet për Kampionatin Evropa, duke pësuar humbje me rezultat 5-0.
Anglezët siç ishte pritur ishin më të mirë nga fillimi deri në fund, duke e dominuar ndeshjen.
Fillimisht ishte Kean Potter që shënoi për t`i dhuruar epërsinë Anglisë në minutën e 2-të.
Më pas epërsinë e thelloi ylli i Evertonit, Anthony Gordon në minutën e 13.
As pjesa e dytë nuk i këndelli të besuarit e Albert Bunjakit që pësuan edhe tri herë të tjera.
Cameron Archer shënoi dy herë (52’, 72’), ndërsa një autogol i Ilir Krasniqi në minutën e 85-të mbylli ndeshje dhe i dha fitoren “Tre Luanëve”.
Cameron Archer's second goal for England U21s vs Kosovo, assisted by Jacob Ramsey. This clip also shows Tommy Doyle's through-ball to set them up. pic.twitter.com/yt6W7Etqtx
— James Nalton (@JDNalton) June 10, 2022
Anglia U21 me 25 pikë është e para në Grupin G. Kombëtarja angleze veç e kishte siguruar edhe më herë kualifikimin për në Evropianin e vitit të ardhshëm.
Kosova U21 renditet e katërta me 11 pikë. Kjo ndeshje edhe për “Dardanët” ishte e parafundit në kuadër të këtyre kualifikimeve.
