Sulmuesi i Liverpoolit, Mohamed Salah dëshiron të jetë në fushë për t’u përballur me Leicesterin të enjten vetëm katër ditë pasi humbi finalen e AFCON me Egjiptin, ka konfirmuar Jurgen Klopp.
Egjipti i Salah u mund në penallti – në të cilën kapiteni nuk arriti të gjuajë – me Senegali që fitoi në finalen e së dielës në Kamerun.
“Mo është kthyer tani, kam folur tashmë me të. Ai është shumë i zhgënjyer sigurisht, por mezi pret të fokusohet këtu. Fola me të dhe pothuajse gjëja e parë që më tha Mo. ishte: ‘Unë jam gati.’ Haha!”, tregon Klopp.
“Sadio vjen nëse është e mundur të mërkurën mbrëma, kështu që do të mbërrijë këtu të enjten, por ai, natyrisht, nuk është i përfshirë në ndeshjen me Leicester”.
“Kjo do të thotë bota për të, do të thotë bota për njerëzit e tij, do të thotë bota për Senegalin dhe ne e respektojmë shumë këtë dhe nuk do të mendonim kurrë që ta kishim tërhequr nga atje apo çfarëdo tjetër – le të bëjnë atë që bëjnë sepse e meritojnë”, ka thënë Klopp.
