Juventusi e ka nisur për mrekulli ndeshjen e dytë në kuadër të fazës grupore të Ligës së Kampionëve kundër Benficas.
Zonja e Vjetër e filloi furishëm takimin në Allianz Stadium duke kaluar në epërsi që në minutën e katërt. Leandro Paredes harkoi në zonë dhe Arkadiusz Milik realizoi gol të bukur me kokë.
Bianconerët patën raste të tjera të shumta në 45 minutat e parë, por edhe skuadra portugeze rrezikoi në disa raste madje duke e goditur edhe shtyllën me anë të Rafa Silva.
Benfica arriti të nxjerrë penallti në fund të pjesës së parë, të cilën e konvertoi në gol Joao Mario (43’).
Në ndeshjen tjetër të Grupit H, Maccabi Haifa e befasoi Paris Saint-Germainin duke krijuar epërsi me golin e Tjarron Chery (24’).
Megjithatë, nuk vonoi reagimi i kampionit francez, kur pas një harkimi nga Kylian Mbappe topi shkoi te Lionel Messi, i cili u tregua i saktë nga afërsia (37’).
