Manchester United e ka shijuar edhe humbjen e dytë në këtë fillim-sezon, pasi ka pësuar disfatë 4-0 në udhëtim te Brentfordi në kuadër të xhiros së dytë në Ligën Premier.
Pas vetëm dhjetë minutash lojë, golin e parë për vendasit e shënoi Josh Dasilva, nga një asistim i Mathias Jensen.
Vetëm tetë minuta më vonë, nga një asistues, Jensen kaloi në golashënues – për golin e dytë për Brentordin.
Kur kaloi vetëm gjysmë ore lojë, Ben Mee realizoi të tretin për skuadrën e tij, e që thelli krizën te Djajtë e Kuq.
Por, për t’i bërë gjërat edhe më keq, u përkujdes Bryan Mbeumo që në minutën e 35-të pranoi një asistim nga Ivan Toney, për 4-0.
Për dallim nga pjesa e parë, 45 minutat e dytë ishin shumë të qetë, pasi nuk u shënua asnjë gol.
Erik Ten Hag reagoi me tre zëvendësime qysh në strat të saj, duke futur në lojë Scott McTominayn, Tyrell Malacian dhe Rapahel Varane, derisa më vonë u fut edhe Anthony Elanga.
Që të katër zëvendësimet brenda 15 minutave të pjesës së parë nuk ia dolën të bënin ndryshimin.
Ndërsa, Brentford nga ana tjetër shfrytëzoi pesë zëvendësimet, për t’u siguruar se do ruanin rezultatin e thellë ndaj Unitedit.
Pas javës së dytë, Manchester United nuk ka grumbulluar asnjë pikë, ndërsa në xhiron e tretë e pret Liverpoolin, e duket se do ta kenë edhe humbjen e tretë.
