Adnan Januzaj vazhdon ta ketë të paqartë të ardhmen e tij, derisa vazhdon të mbetet pa skuadër.
Sulmuesi kosovar u largua nga Real Sociedad më 1 korrik si lojtar i lirë pasi i përfundoi kontrata me klubin spanjoll.
Kanë kaluar thuajse dy muaj dhe istogasi vazhdon të jetë pa skuadër, por duke diskutuar me skuadra të ndryshme për të ardhmen e tij.
Mediat në Spanjë kanë raportuar se gara për t’i marrë shërbimet e Januzajt është ngushtuar tani në vetëm dy skuadra.
Skuadra angleze Everton vazhdon të insistojë për të me trajnerin Frank Lampard që e vlerëson lartë kosovarin me pasaportë belge.
Ndërkohë Januzaj po kërkohet edhe në Serie A, me Bolognën që ka kontaktuar tanimë agjentët e tij.
Januzaj kishte ofertë shumë të rëndësishme edhe nga Genoa, por fakti që kjo skuadër luan në Serie B ka bërë që Januzaj ta refuzojë atë.
Gjithnjë sipas Marcas, reprezentuesi belg gjatë javës së ardhshme pritet të vendos përfundimisht për ekipin e tij të ri.
