Interi ka shënuar fitore ndaj Spezias me rezultat të thellë 3-0 në ndeshjen e vlefshme për javën e dytë të Serie A.
Ekipi i Simone Inzaghit ka vazhduar me fitore në sezonin e ri të Serie A, pasi ka fituar edhe ndeshjen e dytë nga po kaq ndeshje të zhvilluara në kampionat.
Kësaj radhe, Nerazzurrët i kanë mposhtur Spezian në Giuseppe Meazza duke konfirmuar statusin e njërës prej skuadrave favorite për titull këtë sezon.
Pjesa e parë e ndeshjes u karakterizua me dominim absolut të vendasve, të cilët përveç rasteve të shumta shënuan edhe një gol.
Goli i vetëm në këtë pjesë erdhi në minutën e 35-të me anë të Lautaro Martinez, i cili shënoi gol të bukur nga distanca për 1-0, pas asistimit të Romelu Lukaku.
Vlen të theksohet edhe disa raste të mira nga Denzel Dumfries (10’, 41’), Lautaro (32’, 44’), të cilat ishin afër golit ose u mohuan nga portieri kundërshtar dhe traversa e Lukakut (43’).
Në pjesën e dytë, përsëri Interi ishte skuadër dominuese, duke krijuar shumë, duke menaxhuar lojën dhe duke shënuar edhe dy gola tjerë për të siguruar fitoren.
Goli i parë në këtë pjesë erdhi në minutën e 52-të me anë të Hakan Calhanoglu që shënoi për 2-0, ndërsa Joaquin Correa (82’) vulosi fitoren me rezultat përfundimtar 3-0.
Pas kësaj fitore, Interi e sheh veten në pozitën e parë me gjashtë pikë, ndërsa Spezia renditet e 10-ta me tri pikë.
Në ndeshjen e ardhshme, Nerazzurrët luajnë në udhëtim te Lazio, teksa Spezia e pret Sassuolon.
WHAT A STRIKE LAUTARO 💥
— All About Argentina 🛎🇦🇷 (@AlbicelesteTalk) August 20, 2022
GOOOAAAALLLL HAKAN ÇALHANOĞLU ! 🔥🇹🇷
2-0 pour l’Inter
https://t.co/PuhQNw41rD— Joueurs Turcs🇹🇷 (@JoueursTR) August 20, 2022
𝐆𝐎𝐀𝐋! Correa. #Inter 3×0 #Spezia#InterSpezia #SerieATIM
Follow: @_papoboleiros
Siga: @_papoboleiros pic.twitter.com/OJ0viswdIV— gols: papodeboleiros (@papoboleiros1) August 20, 2022