Mauro Icardi është jashtë projektit në PSG dhe ai mund të kthehet në Serie A, ku Monza dhe Sampdoria kanë interesim për argjentinasin.
Sulmuesi argjentinas nuk është thirrur nga trajneri Christophe Galtier për ndeshjen hapëse të Ligue 1 kundër Clermont, duke e lënë atë jashtë për arsye personale.
Siç raportohet nga L’Equipe, Icardi nuk do të kalojë te Borussia Dortmund, të cilët janë në kërkim të zëvendësuesit të Sebastien Haller, pasi lojtari po fokusohet në objektiva të tjerë.
Ai padyshim që nuk do të luajë një rol kyç te PSG, kështu që një largim këtë verë duket tepër i mundshëm.
Monza po ëndërron për një lëvizje për 29-vjeçarin dhe ata kanë qenë në bisedime me skuadrën e Ligue 1 në javët e fundit për të shkuar për një marrëveshje të mundshme.
Ata tani po përballen me konkurrencën e Sampdorias, e cila u shfaq kohët e fundit pasi klubi u ble nga Franco Di Silvio. Në atë blerje janë përfshirë edhe familja Al Thani, pronare e PSG-së.
