Sulmuesit e maskuar hynë në shtëpinë e një ylli të Manchester United dhe e kërcënuan me thikë teksa vodhën pasuri me vlerë mijëra eurosh.
Tre burra të veshur me maska hynë në orën 3:00 të mëngjesit ndërsa Tahith Chong ishte në gjumë – përpara se të kishte një teh thike në fytin e tij.
Grabitësit kërkuan që ai t’i dorëzonte sende, duke përfshirë bizhuteri, orë dhe çanta me para.
Hajdutët madje u tallën me anësorin Chong për sigurinë e tij të dobët teksa kryenin bastisjen.
Lojtari i talentuar i është shtuar listës së futbollistëve që ka rënë viktimë e bandave që synojnë lojtarë të pasur në veriperëndim.
Është thyerja e pestë në shtëpinë e një ylli të United ose City në një zonë në jug të Mançesterit që nga Krishtlindjet.
Mbrëmë, një burim tha për Chong : “Ishte një përvojë e tmerrshme për të. Ai u zgjua nga sytë e tre burrave të armatosur me maska që mbanin thika në fytin e tij”.
“Ata i ndezën gjithashtu dritat dhe e urdhëruan që të ngrihej dhe t’u jepte sende, përfshirë orët. Dukej sikur ata e dinin se çfarë po bënin dhe çfarë po kërkonin”.
“Ata e dinin se kush ishte lojtari dhe po e thërrisnin me emrin e tij. Dhe ata madje i thanë atij se ai me të vërtetë kishte nevojë të përmirësonte sigurinë e tij ose rrezikonte të ndodhte përsëri”.
“Është e frikshme. Ai mbeti jashtëzakonisht i tronditur. Banda ishte profesioniste dhe dukej sikur e kishin bërë më parë, ndoshta për lojtarët e tjerë”, ka shtuar ky burim
Policia u thirr më pas dhe thuhet se e kishte paralajmëruar lojtarin se ndërhyrës mund të kishin monitoruar rrjetet e tij sociale për atë që posedon në shtëpinë e tij.
Cak i këtyre grabitjeve ishin edhe lojtarë si, Paul Pogba, Victor Lindelof, Joao Cancelo, Jesse Lingard, Raheem Sterling në vitin e kaluar.
