Nike e ka pezulluar marrëdhënien me sulmuesin e Manchester Unitedit, Mason Greenwood, pas arrestimit të tij me dyshimin për përdhunim dhe sulm fizik.
20-vjeçari është arrestuar të dielën nga policia, pasi një 18-vjeçare publikoi disa imazhe dhe një audio në rrjetet sociale, ku pohonte se është sulmuar nga futbollisti.
Pas këtyre ngjarjeve, klubi e ka suspenduar lojtarin “deri në një njoftim të radhës”, ndërsa disa bashkëlojtarë nuk e ndjekin më në rrjetet sociale.
Dhe gjërat vazhdojnë të përkeqësohen për Greenwood, duke qenë se edhe gjiganti i veshjeve sportive, Nike, ka bërë një deklaratë duke shprehur shqetësimin e tyre.
