Milani është nikoqir i Liverpoolit për përballjen në kuadër të rrethit të fundit të fazës së grupeve në Ligën e Kampionëve.
Ndeshja që fillon në ora 21:00, do të luhet në stadiumin “San Siro”, me The Reds që tashmë kanë siguruar kualifikimin, por jo edhe Rossonerët.
Për këtë sfidë, skuadra italiane do të ketë mungesa si, Ante Rebic, Simon Kjaer, Olivier Giroud, Pietro Pellegrini, Davide Calabria, Samu Castillejo dhe Rafael Leao, që janë të lënduar.
Analizë
Milan
Pellegrini luajti vetëm 16 minuta fundjavën e kaluar dhe u detyrua të lëshonte fushën për shkak të lëndimi, ndërsa Leao po ashtu është i lënduar.
Zlatan Ibrahimovic pushoi në javën e kaluar, por me gjasë sonte do të startojë, gjersa ka shënuar gjashtë gola kundër Liverpoolit në karrierën e tij.
Alessio Romagnoli do të vazhdojë në mbrojtje, pasi Kjaer e ka mbyllur sezonin para kohe për shkak të lëndimit.
Kessie pritet të startojë në këtë takim së bashku me njërin nga Sanro Tonali, Ismael Bennacer ose Tiemoue Bakayoko.
Krunic, Messias, Saelemaekers dhe Diaz janë në garë për dy vende në sulm.
Liverpool
Divock Origi shënoi golin e fitores në fundjavën e kaluar, e sonte pritet të fillojë, ndërsa Gomez e Keita janë rikthyer në stërvitje dhe mund të luajnë.
Mesfushori i talentuar, Tyler Morton shpreson që të luajë në mesfushë në këtë takim, me Milnerin e suspenduar.
Henderson, Thiago e Jota munguan në stërvitje të hënë, duke qenë kështu në dyshime për këtë takim.
Formacionet e mundshme
Milan: Maignan, Florenzi, Tomori, Romagnoli, Hernandez, Bennacer, Kessie, Krunic, Diaz, Saelemaekers, Ibrahimovic.
Liverpool: Alisson, Tsimikas, Konate, Gomez, Williams, Chamberlain, Morton, Keita, Origi, Salah, Minamino.