Bruno Guimaraes është prezantua zyrtarisht të hënë në “St. James’ Park” si lojtar i ri i Newcastle.
Mesfushori i njohur brazilian mbërriti nga Lyoni për 42 milionë euro dhe nënshkroi kontratë deri në verën e vitit 2026.
Në prezantim, 24-vjeçari tregoi se si vendosi të vinte në Newcastle, duke refuzuar edhe klube si Arsenali.
“Kisha një ofertë nga Arsenali, por e refuzova. Drejtuesit e Newcastle ishin të sinqertë në negociata dhe thanë se qëllimi kryesor këtë sezon është të qëndrojnë në Ligën Premier, dhe në të ardhmen ata duan të fitojnë Ligën e Kampionëve”.
“Kjo është dëshira ime dhe unë besoj në këtë projekt. Newcastle do të bëhet një fuqi e madhe në futbollin evropian. Ky është një klub i madh me një histori të pasur dhe kurrë nuk kam dyshuar për ardhjen në Newcastle”, ka thënë Guimaraes.
Newcastle aktualisht ndodhet në vendin e parafundit të renditjes me një pikë dhe një ndeshje më pak se Norwich, që është në zonën e mbijetesës.
