Tottenham Hotspur pësoi humbjen e katërt në pesë ndeshjet e fundit, ku u mposhtë nga Burnley me rezultat 1-0.
Humbja ishte e hidhur për trajnerin Antonio Conte i cili la të nënkuptohet se do të ofrojë dorëheqjen nga pozita e tij te Spurs.
Por duket se ai ka marrë përkrahjen e klubit dhe se do të vazhdojë qëndrimin në Londër te Spurs.
Ka qenë vet Conte që ka konfirmuar se do të vazhdojë qëndrimin te Tottenham, pasi ka marrë përkrahjen nga presidenti i klubit dhe duhet të punojnë shumë.
“Nuk jam mësuar që të humbas kështu. Mendoj se tani zgjidhja është që të vazhdoj të punoj shumë që tu jap kënaqësi tifozëve tanë. Të punojmë me skuadrën aktuale që të gjejmë zgjidhje”
“Fola me presidentin dhe ai e di se unë jam këtu për të ndihmuar klubin në çdo moment. Do ta bëj këtë gjë deri në fund. Ky është realiteti dhe ai e di që po punojmë shumë. Vlerëson shumë punën tonë, të të gjithë stafit”.
“Klubi e njeh situatën tonë dhe ka konfirmuar se është shumë i kënaqur me punën time. Jam perfeksionist dhe e di që puna ime do të sjellë përmirësime në të ardhmen, por në të njëjtën kohë dua që të arrij rezultatet sa më shpejt”, ka deklaruar Conte.
Spurs pas 24 ndeshjeve të zhvilluara në Ligën Premier ka grumbulluar 39 pikë dhe zë pozitën e tetë në tabelë.
Skuadra e drejtuar nga Antonio Conte ka dy ndeshje më pak se Manchester United që mbanë pozitën e katërt në tabelë me 46 pikë.
