Chelsea ka shënuar fitore ndaj Southamptonit si mysafir me rezultat të thellë 6-0 në kuadër të javës së 30-të në Ligën Premier.
Pas humbjes shokuese nga Brendford, Chelsea e nisi ndeshjen me qëllimin e vetëm për të fituar.
Goli erdhi në minutën e 8-të, kur Mason Mount asistoi te Marcos Alonso që shënoi për 1-0.
Në minutën e 16-të, kësaj radhe ishte Mount që shënoi për 2-0.
Nuk vonoi shumë dhe erdhi edhe goli i tretë, kur Timo Werner shënoi për 3-0.
Ndeshja pothuajse u mbyll në minutën e 31-të, kur topin e kthyer nga shtylla e Timo Werner, e qoi në rrjetë Kai Havretz për 4-0.
Edhe në pjesën e dytë Blutë e Londrës e nisën fuqishëm, duke shënuar që në start.
Werner shënoi golin e dytë personal në minutën e 49-të, për 5-0.
Golat u mbyllën me shënimin e Mount në minutën e 54-të për 6-0.
Armando Broja nuk u paraqit për skuadrën e tij në këtë takim.
Chelsea mbetet në vendin e tretë me 62 pikë.