Borusia Dortmund ka shënuar fitore ndaj Stuttgart me rezultat 2-0 në kuadër të javës së 29-të në Bundesliga.
Ndeshja nisi me disa raste për Borussian dhe goli erdhi në minutën e 14-të.
Erling Haaland asistoi te Julian Brandt që shënoi me portën e zbrazët për 1-0.
GOAL!⚽️
Stuttgart 0-1 Dortmund
Julian Brandt ⚽️ pic.twitter.com/0wmDpmqtUh— GoalsForYou (@GoalsForYou_) April 8, 2022
Edhe përkundër raste tjera pjesa e parë u mbyll me vetëm një gol të shënuar.
Në fillimin e pjesës së dytë nuk munguan rastet, me Marco Reus, Raphale Guerrieron dhe Pascal Stenzel që rrezikuan, por portat nuk u prekën.
Goli i dytë erdhi në minutën e 71-të, kur sërish Brandt me një goditje të bukur nga distanca shënoi për 2-0.
GOAL!⚽️
Stuttgart 0-2 Dortmund
Julian Brandt (71) ⚽️ pic.twitter.com/Ic6nKZo5y3— GoalsForYou (@GoalsForYou_) April 8, 2022
Stuttgart rrezikoi disa herë për të zbutur epërsinë e milionerëve, por deri në fund gola më nuk pati.
Borussia pas kësaj fitoreje mbete në vendin e dytë me 60 pikë, gjashtë më pak se Bayern Munich.
