Bayern Munichu ka qenë bindës në triumfin prej 4-1 në udhëtim te Hertha Berlini për të vazhduar primatin në Bundesliga.
Corentin Tolisso ishte i pari që e futi topin në rrjetë, mirëpo pas konsultimit të VAR-it, goli u anulua për pozitë jashtë loje.
Megjithatë, i njëjti futbollist në minutën e 25-të realizoi me kokë dhe kësaj radhe goli ishte i rregullt. Kingsley Coman ishte asistues, pasi dhuroi një harkim të saktë.
Në fund të pjesës së parë (45’), bavarezët e dyfishuan epërsinë me golin e Thomas Muller, i cili u asistua nga Joshua Kimmich.
Një gabim fatal të fazës mbrojtëse dhe portierit vendas e shfrytëzoi Leroy Sane për golin e tretë të mysafirëve (75’).
Kimmich tregoi vizionin e tij duke e gjetur në zonë Serge Gnabryn, goditja e të cilit u ndal në rrjetë (79’).
Golin e nderit për vendasit e realizoi Jurgen Ekkelenkamp (81’), ndërsa Leroy Sane e futi sërish topin në portë, por goli anulua nga VAR-i për prekje me dorë.