Konard Laimer mund të quhet transferimi i ri i Bayern Munichut, edhe pse ende mungon marrëveshja finale.
Mesfushori austriak prej vitesh po luan me plot sukses te Leipzig dhe tani është objektivi kryesor i Bayernit për repartin e mesfushës.
Trajneri i bavarezëve, Julian Nagelsmann e njeh mjaftë mirë austriakun dhe ka kërkuar nga drejtuesit e klubit afrimin e tij.
25-vjeçari ka pranuar të transferohet në Munich dhe sipas mediave gjermane ai tanimë ka një marrëveshje personale me kampionin në fuqi të Gjermanisë.
Por tani drejtuesit e dy klubeve janë duke diskutuar për të gjetur një marrëveshje për transferimin e Laimer në Allianz Arena.
Nuk përjashtohet mundësia që Bayern ta përfshijë në marrëveshje Marcel Sabitzer për ta rikthyer atë te Leipzig.
Vlen të theksohet se përveç Bayern Munichut në garë për Laimer janë edhe skuadra tjera të mëdha si Napoli, Manchester United, Tottenham Hotspur, Liverpool dhe Borussia Dortmund.
