Bayern Munich dëshiron të rikthejë Kai Havertz në Bundesligë nga Chelsea, raporton Sport1.
Reprezentuesi gjerman shihet si një shtesë ideale për sulmin e skuadrës, pasi humbën Robert Lewandowskin nga Barcelona këtë verë, por ata janë të vetëdijshëm se arritja e një marrëveshjeje do të ishte një detyrë e vështirë për kampionin gjerman.
Havertz nuk po arrin të përshtatet në stilin e lojës së Chelseat edhe pse Thomas Tuchel vështirë se do ta lejojë largimin e tij.
Sulmuesi gjerman ishte heroi i Bluve në finalen e Ligës së Kampionëve të vitit 2021, aty ku Chelsea e mposhti Manchester Cityn, falë golit të vetëm të tij.
Bayern Munichu tashmë ka filluar bisedimet me përfaqësuesit e Havertz, derisa një dëshirë e tij mund të jetë që të kalojë në “Allianz Arena”.
Lojtari do të ishte mëse i lumtur të kalonte te rivali i Bayer Leverkusenit, pasi në Budnesliga tashmë e ka dëshmuar vetën, por që duhet bindur Chelsea që ta shet.
