Trajneri i Real Madridit, Carlo Ancelotti ka folur në lidhje me ekipin e tij dhe situatën me transferime tjera të mundshme këtë verë.
Real Madridi fitoi dy trofetë kryesor në sezonin e fundit, Ligën e Kampionëve dhe La Liga.
Por, kjo nuk e ndaloi klubin mbretëror të përforcohet këtë verë, duke kryer dy transferime të mëdha.
Aurelien Tchoumeni u transferua nga Monaco për më shumë se 80 milionë euro, ndërsa Antonio Rudiger u nënshkrua si lojtar i lirë.
Megjithatë, këta dy lojtarë pritet të jenë të vetmit që Real Madridi i ka transferuar këtë verë, pasi Ancelotti e ka konfirmuar këtë.
“Ne nuk do të përfundojmë asnjë nënshkrim tjetër. Jemi të kënaqur me ekipin aktual, jemi të fortë”.
“Jam i lumtur me Rudiger, Tchouameni dhe jam i sigurt se Hazard do të na ndihmojë shumë”, ka thënë Ancelotti.
Ndryshe, Los Blancos gjatë kësaj vere tentuan shumë transferimin e Kylian Mbappe si lojtar të lirë, por francezi në fund rinovoi me Paris Saint-Germain.
